Oynaq Ağrıları Niyə Yaranır və Onlardan Necə Xilas Olmalı?

Oynaq Ağrıları Həyat Keyfiyyətinizi Aşağı Salmasın

Hərəkət etmək insanın ən təməl ehtiyaclarından biridir. Lakin diz, çiyin, bel və ya boyun nahiyəsində yaranan oynaq ağrıları bəzən sadə bir addım atmağı belə əziyyətə çevirə bilir. Çox vaxt insanlar bu ağrıları sadəcə "yaşla bağlıdır" və ya "soyuqlamışam" deyərək gözardı edirlər. Halbuki zamanında müdaxilə olunmayan xırda oynaq problemləri gələcəkdə cərrahi əməliyyat tələb edən ciddi fəsadlara gətirib çıxara bilər.

Ağrıların Əsas Səbəbləri Nələrdir?

Oynaq ağrılarının bir çox fərqli səbəbi ola bilər. Ən çox rast gəlinən faktorlar bunlardır:

• Artioz və Osteoartroz (Oynaq yeyilməsi): İllər keçdikcə sümüklərin arasındakı qığırdaq toxuması nazikləşir və sürtünmə nəticəsində şiddətli ağrılar yaranır.

• Fiziki Travmalar və İdman Zədələri: Qəfil hərəkətlər, ağır yük qaldırma və ya idman zamanı alınan travmalar vətər qopmalarına və oynaq çıxıqlarına səbəb ola bilər.

• Artıq Çəki: Bədəndəki hər əlavə kiloqram xüsusilə diz və çanaq oynaqlarına düşən yükü bir neçə dəfə artırır.

• Oturaq Həyat Tərzi və Səhv Duruş: Bütün günü masa arxasında və ya telefonla əyilərək vaxt keçirmək boyun və bel fəqərələrində gərginlik yaradır.

Oynaqlarınızı Qorumaq Üçün Nə Etməlisiniz?

Sümük və oynaq sağlamlığını qorumaq üçün gündəlik həyatınızda bəzi qaydalara əməl etməyiniz mütləqdir. Kalsium və Vitamin D ilə zəngin qidalar (süd məhsulları, balıq, yumurta) qəbul etmək sümükləri möhkəmləndirir. Eyni zamanda, oynaqları hərəkətli saxlamaq üçün üzgüçülük, velosiped sürmək və ya yüngül dartınma hərəkətləri (stretching) kimi idman növləri ilə məşğul olmaq çox faydalıdır.

Gecikmədən Mütəxəssisə Müraciət Edin

Əgər oynaqlarınızdakı ağrı bir neçə gündən çox davam edirsə, hərəkət məhdudiyyəti yaradırsa və ya həmin nahiyədə şişkinlik, qızartı müşahidə olunursa, mütləq ortoped-travmatoloq baxışı lazımdır. İstanbul NS Klinikasının peşəkar Ortopediya şöbəsində ən müasir rəqəmsal rentgen, MRT və artroskopiya üsulları ilə ağrılarınızın əsl səbəbi tapılır və sizə uyğun konservativ (dərmansız) və ya cərrahi müalicə təyin edilir. Hərəkət azadlığınızı yenidən qazanın!